EXP: 2025/D002/000004

ANTECEDENTES:

O Concello de Coristanco quere ofertar unha interesante e atractiva opción de Campamento de Conciliación de Pernota Xuvenil de Surf 2025 do Concello de Coristanco. Esta é unha proposta que presenta un programa de actividades deportivas e recreativas que pretende combinar a aventura co deporte e o formativo co lúdico, a través dunha metodoloxía activa, participativa, integradora e dinámica, coñecendo a nosa contorna e mergullándose nela. Consideramos que o simple feito que as nenas/os estean en contacto con outras/os e outros contextos, fóra da súa zona de confort, xa lles proporciona unha experiencia vivencial que lles pode aportar moitos aprendizaxes. Traballar os afectos implica tratar a cada unha das nosas nenas/os coma un ser único e especial, e facerlles sentir como tal para reforzar a seguridade en si mesmos. A expresión dos propios sentimentos e emocións e o entendemento e aceptación destas nos demais compañeiros, fomentará unha relación de comprensión, igualdade e compañeirismo. Este espazo está dirixido a mozas e mozos con idades comprendidas de 9 a 16 anos.

OBXETIVO XERAL:

• Ofrecer apoio á conciliación da vida familiar, laboral e persoal.

• Facilitar recursos de ocio e tempo libre para mozas e mozos con idades comprendidas de 9 a 16 anos do Concello de Coristanco.

• Facilitar a convivencia das mozas e mozos de Coristanco nun entorno diferente.

• Aproveitar ao máximo as oportunidades que ofrecen os campamentos de verán para educar entretendo.

• Familiarizarlles con habilidades de compañeirismo, solidariedade, amizade, igualdade, comunicación,dun xeito lúdico e atractivo.

• Satisfacer as necesidades de familias vulnerables dende a perspectiva social e de xénero e con demandas que non se adaptan aos servizos normalizados.

OBXETIVOS ESPECÍFICOS:

1. Realizar actividades de ocio saudables, que respondan a criterios de educación en valores, integración e non discriminación, así como o fomento do deporte e hábitos saudables.

2. Fomentar a autonomía da mocidade.

3. Facilitar aos participantes a posibilidade de valerse por si mesmo para desenrolar tarefas diarias sen axuda e protección familiar.

4. Facer ver a mocidade que, valores como a solidariedade e a cooperación son fundamentais para unha boa integración social.

5. Fomentar o compañeirismo e a convivencia, nun clima de respecto e amizade.

6. Fomentar actitudes como a autonomía, a responsabilidade, o respecto, a organización ou o traballo en equipo.

7. Valorar o seu propio corpo e aceptar a propia identidade física.

8. Descubrir unha forma de vivir fóra da casa convivindo con outros mozos.

9. Educar en igualdade de xénero.

10. Adquirir coñecementos técnicos, tácticos, físicos e meteorolóxicos do deporte do surf.

11. Programar actividades que poidan realizar, que resulten atractivas, e que ao mesmo tempo lles fagan descubrir unha realidade próxima, pero que lle é, en parte, descoñecida.

Tendo en conta o anterior, de conformidade coas atribucións que me confire o art. 21 da Lei 7/1985, do 2 de abril, reguladora das Bases de Réxime Local, RESOLVO:

PRIMEIRO: Aprobar as seguintes Bases e normas de funcionamento e organización do Campamento de Conciliación de Pernota Xuvenil de Surf 2025 do Concello de Coristanco.

BASES E NORMAS DE FUNCIONAMENTO E ORGANIZACIÓN DO CAMPAMENTO CONCILIACIÓN DE PERNOTA XUVENIL DE SURF 2025, CONCELLO DE CORISTANCO.

FUNCIONAMENTO:

1. O campamento está destinado ás nenas e nenos con idades comprendidas entre os 9 e 16 anos.

2. Será requisito para acceder ao servizo estar inscrito no Programa de Conciliación Xermolar e empadroado no Concello de Coristanco e/ou matriculado/a nun centro escolar do Concello de Coristanco.

3. Disporase dun total de 30 prazas. Para a posta en marcha do servizo é necesario contar cun número mínimo de 10 usuarios.

4. O lugar de realización será nas instalacións da empresa adxudicataria, un albergue xuvenil, na contorna de Razo (Carballo).

5. O material propio da actividade será proporcionado pola empresa adxudicataria do campamento.

6. O servizo prestarase os días 21,22,23,24,25 e 26 de xullo de 2025, en réxime de aloxamento e pensión completa, entrando o día 21 de xullo ás 12:00h e saíndo as 12:00h do día 26 de xullo.

7. As solicitudes faranse segundo o modelo oficial que figura como Anexo I destas bases e presentaranse preferentemente de xeito telemático a través da Sede Electrónica Municipal (www.coristanco.gal) ou ben de forma presencial no rexistro xeral do Concello.

8. Farase unha solicitude individual por cada nena/o aínda que pertenzan á mesma unidade familiar.

9. Fíxase un prazo de prescrición dende o luns 31 de marzo ao venres 11 de abril de 2025.

10. Fíxase un pazo de renuncias de 10 dias hábiles, dende o día seguinte á publicación da listaxe provisional de admitidos.

11. Unha vez rematado o prazo de renuncias, publicarase a listaxe definitiva e listaxe de agarda. O día seguinte desta publicación, os admitidos terán un prazo de 5 días para a formalización da inscrición e o pago da taxa correspondente.

12. Os criterios de valoración serán principalmente as necesidades de conciliación obxectivamente demostradas: xornada laboral dos proxenitores e non dispoñibilidade de redes de apoio familiar para o coidado das súas fillas e fillos.

CRITERIOS DE VALORACIÓN (Máximo de 85 PUNTOS)

• Non superar a renda da unidade familiar en 6,5 veces o IPREM 2023, tendo preferencia os de menos ingresos 10 PUNTOS.

• As traballadoras que teñan a consideración de vítimas de violencia de xénero para atender o coidado da filla ou fillo, tanto cando sexa por natureza como por adopción, ou no supostos de acollemento permanente ou garda con fin de adopción. 10 PUNTOS

• Para atender ao coidado de algún membro da unidade familiar que teña recoñecido un grado de discapacidade igual ou superior ao 33%. 10 PUNTOS

• Familias monoparentais. 10 PUNTOS

• Familias numerosas. 10 PUNTOS

• Con necesidade de conciliación obxectivamente demostradas. 10 PUNTOS

• Empadroados no concello. 10 PUNTOS

• Non empadronados con posto de traballo no municipio ou algún domicilio fiscal no mesmo. 5 PUNTOS

• Empadroados ou non no Concello, que cursen estudos nalgún dos centros do municipio. 5 PUNTOS

• Con necesidade de conciliación aínda que só traballe un proxenitor. 5 PUNTOS

1. QUENDA: O servizo prestarase os días 21,22,23,24,25 e 26 de xullo de 2025, en réxime de aloxamento e pensión completa, entrando o día 21 de xullo ás 12:00h e saíndo as 12:00h do día 26 de xullo.

2. A cota a pagar polos usuarios, será de 85€ por nena/o.

3. A alta ou baixa do servizo deberá ser notificada por escrito á carmen.villar@coristanco.gal . Aínda que o desestimento ou renuncia a actividade por parte do solicitante, unha vez iniciada a prestación do servizo, non dará dereito á devolución da taxa, salvo por causa imputable á administración.

    

4. Unha vez adxudicadas as prazas crearase unha listaxe de agarda segundo a puntuación obtida no período ordinario de inscrición. No caso de quedar prazas unha vez publicadas as listaxes definitivas, poderase acudir á mesma para cubrir as prazas dispoñibles.

5. Serán causa de extinción do servizo e baixa no mesmo o seguinte:

• Incumprimento dos requisitos establecidos

• Incumprimento das normas de convivencia.

• Por solicitude da/o nai/pai ou representantes legais( no período establecido) • A comprobación de falsidade na documentación achegada

• A non asistencia ao campamento, sen causa debidamente xustificada.

5. As familias deberán cumprir estritamente tódalas condicións e medidas que se lles indiquen como forma de protección da saúde de tódalas persoas participantes.

6. ORGANIZACIÓN:

• Manteranse as medidas de hixienización nos lugares onde se realicen as actividades.

• As familias deberán estar localizadas e en disposición de recoller á persoa participante de forma relativamente pronto no caso de que así se requira polo monitorado do campamento. Para isto, facilitarase un contacto que poida estar dispoñible de ser preciso.

• O Concello de Coristanco resérvase o dereito á reorganización, adaptacións e/ou suspensión do servizo se a situación sanitaria e/ou económica así o require.

   

  Por último recalcamos a nosa gratitude ante a vosa confianza e apoio, alimentando a ilusión que poñemos en sacar adiante este proxecto.

ANEXO I

SOLICITUDE DE PRAZA CAMPAMENTO DE PERNOTA XUVENIL DE SURF 2025

CONCELLO DE CORISTANCO

FINANCIADO POLA CONSELLERÍA DE PROMOCIÓN E IGUALDADE E POLO MINISTERIO DE IGUALDADE

DATOS DA NENA/O

Nome e apelidos:

DNI:

Data de nacemento:

Enderezo:

Poboación: CP: Provincia:

Teléfono:

DATOS FAMILIARES

Pai, nai e/ou representante legal:

DNI:

Teléfono:

DATOS DO SERVIZO

Datas: O servizo prestarase os días 21,22,23,24,25 e 26 de xullo de 2025, en réxime de aloxamento e pensión completa, entrando o día 21 de xullo ás 12:00h e saíndo as 12:00h do día 26 de xullo.

Lugar de realización: será nas instalacións da empresa adxudicataria, un albergue xuvenil, na contorna de Razo (Carballo).

A/O NENA/O TEN INTOLERANCIAS ALIMENTARIAS OU ALERXIAS ?

SI NON En caso afirmativo,cales?

• SOLICITUDES:

• As solicitudes faranse segundo o modelo oficial que figura como Anexo I destas bases e presentaranse preferentemente de xeito telemático a través da Sede Electrónica Municipal (www.coristanco.gal) ou ben de forma presencial no rexistro xeral do Concello.

• Farase unha solicitude individual por cada nena/o aínda que pertenzan á mesma unidade familiar.

Coristanco, de de 2025.

SINATURA NAI, PAI OU REPRESENTANTE LEGAL

De conformidade co establecido polo Regulamento (UE) 2016/679 do Parlamento Europeo e a Lei Orgánica 3/2018, do 5 de decembro, de Protección de Datos Persoais e garantía dos dereitos dixitais (LOPDGDD), infórmaselle que o CONCELLO DE CORISTANCO, con CIF P1502900B e domicilio en AVENIDA FISTERRA S/N 15147, CORISTANCO (A CORUÑA) é o Responsable do Tratamento. Os datos de carácter persoal facilitados a través do presente formulario, así como a documentación achegada, serán incorporados ao departamento de Cultura e Deportes á cal vaia dirixida a presente solicitude cuxa finalidade e xestionar a súa inclusión ao Campamento de Pernota Xuvenil de Surf 2025.A base legal para o tratamento dos seus datos está fundada no art. 6.1 e) : “en cumprimento de misión realizada en interese público ou exercicio de poderes públicos conferidos a este Concello". Os datos serán tratados de maneira confidencial e só serán cedidos a outras entidades cando se cumpran as esixencias establecidas na lexislación vixente de Protección de Datos. O interesado poderá exercer os seus dereitos de acceso, rectificación, supresión, limitación e oposición mediante escrito remitidoá dirección do Responsable arriba indicada, solicitar máis información mediante correo electrónico á dir ección dpd@corist anco.gal ou a través do Rexistro xeral do Concello de Coristanco incluíndo os seguintes datos: nome e apelidos do interesado, fotocopia do documento válido que o identifique ou, no seu caso, da persoa que o represente, petición en que se concreta a solicitude, dirección a efectos de notificacións, data e firma do solicitante. Pode obter máis informaciónconsultando a Política de privacidade na páxina web do Concello: https://www.coristanco.gal/politica-de-privacidad/

O Campamento de Pernota Xuvenil de Surf 2025, ofrecido polo Concello de Coristanco, foi financiado a través dunha subvención a entidades locais da Comunidade Autónoma de Galicia para a promoción da igualdade.

SI436A- PROGRAMA PLAN CORRESPONSABLES NO ÁMBITO LOCAL

SECRETARÍA XERAL DE IGUALDADE

SEGUNDO: Publicar o contido destas bases no BOP, no taboleiro de anuncios do Concello de Coristanco, na web e redes municipais.

TERCEIRO: Contra esta resolución que pon fin á via administrativa cabe a interposición de recurso contencioso-administrativo no prazo de dous meses. Con todo, poderá, con caracter potestativo, presentar recurso de reposición ante o propio órgano que dictou a resolución no prazo dun mes, nese caso o prazo para a presentación do recurso contencioso administrativo empezará a contarse desde a notificación da resolución expresa do recurso. Igualmente advírteselle a posibilidade de interposión de calquera outro recurso que estime pertinente (art.88 da Lei 39/2015, do 1 de outubro).

CUARTO: Dar conta ao pleno na próxima sesión que se celebre.

Coristanco, asinado electrónicamente polo alcalde Juan Carlos García Pose, e a secretaria municipal, Marta Vázquez Garea, na/s data/s que figuran nas sinaturas electrónicas.