Castellano
Detalle trámite
O procedemento "Solicitude de tarxetas de estacionamento e accesibilidade para persoas con mobilidade reducida" ten como obxecto facilitar a tarxeta de accesibilidade para o transporte público e a tarxeta de estacionamento aos veciños ou veciñas do municipio con graves problemas de mobilidade, como documento acreditativo da súa situación, con carácter persoal e intransferible, coa finalidade de favorecer o uso e goce dos transportes privados e para que o seu titular poida gozar das facilidades de estacionamento relacionadas coa mesma.
Persoas físicas que, atopándose legalmente en situación de mobilidade reducida/discapacidade, e estando empadroadas no municipio, desexen solicitar unha tarxeta de estacionamento e accesibilidade.
Preferentemente de forma telemática a través do botón "Iniciar trámite". Se a persoa interesada non utiliza a vía telemática, poderá descargar o impreso ou impresos dende esta páxina ou acudir ao rexistro do Concello, onde lle facilitarán o dito impreso/s normalizado/s para presentar.
Requisitos:
- A persoa debe estar empadroada e residir no Concello de Coristanco, o que será comprobado pola propia administración local.
- Dispoñer de Certificado de Discapacidade onde se recoñezan dificultades de mobilidade para utilizar transportes colectivos.
Documentación: - Solicitude do tarxetas de accesibilidade e estacionamento para discapacitados.
- Copia do certificado de grao de discapacidade, resolución de recoñecemento do grao de discapacidade e ditame técnico facultativo emitido polos Equipos de Valoración e Orientación (EVO) dependentes das Xefaturas Territoriais da Consellería de Política Social da Xunta de Galicia, ou polos doutras Comunidades Autónomas, indicando o grao de discapacidade.
- Foto tamaño carné do solicitante.
- No caso que o solicitante sexa persoa xurídica, deberá aportar a documentación do vehículo e ITV en vigor.
-
Decreto 35/2000, do 28 de xaneiro, polo que se aproba o Regulamento de desenvolmento e execución da Lei de accesibilidade e supresión de barreiras na Comunidade Autónoma de Galicia.
-
Real Decreto 1056/2014, de 12 de decembro, polo que se regulan as condicións básicas de emisión e uso da tarxeta de estacionamento para persoas con discapacidade.
-
Lei 10/2014, de 3 de decembro, de accesibilidade.
Nome: Solicitude de tarxetas de estacionamento e accesibilidade para persoas con mobilidade reducida.
Unidade tramitadora: Servizos Sociais.
Inicio do procedemento: A instancia de parte.
Tipo de interesado: Persoa física.
Órgano de resolución: Alcaldía.
Carácter silencio administrativo: Silencio positivo.
Prazo de resolución: 3 meses.
Recurso aplicable: Potestativo de reposición / Contencioso - administrativo.
Taxas/impostos: Non aplica.
Canles de atención: Telemático (Iniciar trámite).
Presencial.
